[center]ماجور يا قلب عن الوصل بقيـود
ناحيك عن لامى الحبايـب بلايـا
ما لاح نجمك مرة بـس بسعـود
دوبه على عكس الهوى يالهوايـا
ما جتني الدنيا على حسن مقصود
مسكين انا ما ذقت فيهـا هوايـا
يحيىّ ( العوج ) ما يعتدل يابس العـود
مكر النوى متناهـيٍ فـي عنايـا
يخطى الخطى غيري وانا فيه مقيود
وش زلتي يا وقت شنهـو خطايـا
الله على صرف النيا عـاد بنكـود
عظمي رعاه وسل حالـي سبايـا
وتهل ما هلت مقاديمهـا السـود
عيني على فرقا الحبايـب همايـا
عيت تغـط بلـذة النـوم وتنـود
وتريـح لا وامقلتـي واعمـايـا
وتحّن في قلبي دواليـب وحـدود
ليعات وهموم دوت فـي حشايـا
حرايق عدّت علـى النـار بوقـود
حطت معاليـق الضمايـر لظايـا